Drottinn fremur réttlæti og veitir rétt öllum kúguðum.   

Sálmur 17 

 Drottinn er hlutskipti mitt og minn afmældi bikar; þú heldur uppi hlut mínum.
 Heyr, Drottinn, á réttvíst málefni,
hlýð á hróp mitt,
ljá eyra bæn minni,
er ég flyt með tállausum vörum.

Drottinn er hlutskipti mitt og minn afmældi bikar; þú heldur uppi hlut mínum.
Lát rétt minn út ganga frá augliti þínu,
augu þín sjá hvað rétt er.

Drottinn er hlutskipti mitt og minn afmældi bikar; þú heldur uppi hlut mínum.
Þá er þú rannsakar hjarta mitt,
prófar það um nætur,
reynir mig í eldi,
þá finnur þú engar illar hugsanir hjá mér,
munnur minn heldur sér í skefjum.

Drottinn er hlutskipti mitt og minn afmældi bikar; þú heldur uppi hlut mínum.
Hvað sem aðrir gjöra,
þá hefi ég eftir orði vara þinna
forðast vegu ofbeldismannsins.

Drottinn er hlutskipti mitt og minn afmældi bikar; þú heldur uppi hlut mínum.
Skref mín fylgdu sporum þínum,
mér skriðnaði ekki fótur.

Drottinn er hlutskipti mitt og minn afmældi bikar; þú heldur uppi hlut mínum.
Ég kalla á þig,
því að þú svarar mér,
ó Guð, hneig eyru þín til mín,
hlýð á orð mín.

Drottinn er hlutskipti mitt og minn afmældi bikar; þú heldur uppi hlut mínum.
Veit mér þína dásamlegu náð,
þú sem hjálpar þeim er leita hælis
við þína hægri hönd
 fyrir ofsækjendum.

Drottinn er hlutskipti mitt og minn afmældi bikar; þú heldur uppi hlut mínum.
Varðveit mig sem sjáaldur augans,
fel mig í skugga vængja þinna

Drottinn er hlutskipti mitt og minn afmældi bikar; þú heldur uppi hlut mínum.
fyrir hinum guðlausu, er sýna mér ofbeldi,
fyrir gráðugum óvinum,
er kringja um mig.

Drottinn er hlutskipti mitt og minn afmældi bikar; þú heldur uppi hlut mínum.
Mörhjörtum sínum hafa þeir lokað,
með munni sínum mæla þeir
drambsamleg orð.

Drottinn er hlutskipti mitt og minn afmældi bikar; þú heldur uppi hlut mínum.
Hvar sem ég geng,
umkringja þeir mig,
þeir beina augum sínum að því
að varpa mér til jarðar.

Drottinn er hlutskipti mitt og minn afmældi bikar; þú heldur uppi hlut mínum.
Þeir líkjast ljóni er langar í bráð,
ungu ljóni, er liggur í felum.

Drottinn er hlutskipti mitt og minn afmældi bikar; þú heldur uppi hlut mínum.
Rís upp, Drottinn!
Far í móti óvininum
og varpa honum niður,
 frelsa mig undan hinum óguðlega
með sverði þínu.

Drottinn er hlutskipti mitt og minn afmældi bikar; þú heldur uppi hlut mínum.
Frelsa mig undan mönnunum
með hendi þinni,
Drottinn, undan mönnum heimsins,
sem hafa hlutskipti sitt í lífinu
og þú kviðfyllir gæðum þínum.
Þeir eru ríkir að sonum
og skilja börnum sínum eftir
nægtir sínar.

Drottinn er hlutskipti mitt og minn afmældi bikar; þú heldur uppi hlut mínum.
En ég mun sakir réttlætisins
skoða auglit þitt,
þá er ég vakna,
mun ég mettast
af mynd þinni.